QR Ulttyq bank tóraǵasy Erbolat Dosaev teńge baǵamyna áser etken faktorlardy atap ótti, dep habarlaidy QazAqparat tilshisi.
Onyń aitýynsha, 2019 jyldyń mamyr aiynda ailyq infliatsiia 0,6% qurady. Al jyldyq infliatsiia 5,3% deiin kóterilgen.
«Sońǵy ýaqytta ishki valiýta naryǵyndaǵy jaǵdaiǵa munaidyń álemdik baǵasy kóp yqpal etti. 27 mamyr men 5 maýsym aralyǵynda munai baǵasy 60,6 dollarǵa deiin shamamen 13% tómendedi. Alaida sońǵy eki kúnde munai baǵasy ózgerdi, búgin 62,3 dollar boldy. Buǵan AQSh pen Meksikanyń zańsyz kóshi-qondy baqylaýdy kúsheitý týraly kelisimge kelýi áser etti. Sonymen birge, 2019 jyldyń ekinshi jarytsynda munai eksporttaýshy elder uiymy óz kelisimin uzartýy múmkin. Saldarynan 27 mamyr men 5 maýsym aralyǵynda teńge baǵamy 1,3% álsiredi», - dep atap ótti Erbolat Dosaev Úkimet otyrysynda.
Bank basshysy jaǵdaidyń turaqtalǵanyn, 5-10 maýsym kúnderi ulttyq valiýtanyń 0,3% nyǵaiǵanyn jetkizdi.
Sonymen birge, E. Dosaev Ulttyq banktiń bazalyq stavkany 9% deńgeiinde saqtap qalatynyn málimdedi.
