Búgin Reseidiń Ekaterinbýrg qalasynda ótip jatqan bokstan álem chempionatynda Qazaqstan qorjynyna úshinshi qola medal tústi, dep habarlaidy "Ult aqparat".
91 keli salmaqta el namysyn qorǵaǵan Rio Olimpiadasynyń kúmis júldegeri qazaqstandyq Vasilii Levit qola medal iegeri atandy.
Ol jartylai finalda ekvadorlyq Hýlio Kastilony buryshtan-buryshqa qýalap, aýyr soqqylardyń astyna aldy. Jekpe-jek aiaqtalǵanda jerlesimiz óziniń jeńisine senimdi boldy. Alaida, kútpegen jerden tóreshiler jeńisti 2:3 esebimen qarsylasynyń qolyn kóterdi.
Osylaisha úshinshi qazaqstandyq boksshy álem chempionatyn qola medalmen aiaqtady.
Esterińizge sala keteiik, osyǵan deiin 52 keli salmaqta Sáken Bibosynov pen 75 keli salmaqta Tursynbai Qulahmet qola medal jeńip alǵan bolatyn.
Jalpy, bokstan álem chempionatynyń jartylai finalyna 6 boksshymyz shyqqan. Endi keshki sessiiada Abylaihan Júsipov (69) Resei quramasynyń kapitany Andrei Zamkovpen jekpe-jekke shyqsa, Bekzat Nurdáýletov (81) tórt dúrkin álem chempiony kýbalyq Hýlio Sezar La Krýzben judyryqtasady. Sondai-aq, jarys kúniniń sońynda Qazaqstan quramasynyń kapitany Qamshybek Qońqabaev (91 keliden asa) aýstraliialyq Iýstis Hýnimen finaldyq aiqasqa túsedi.
