Қазақстандық боксшы Батыр Жүкембаев (16-0, 13 КО) кәсіпқой рингтегі кезекті жекпе-жегін өткізді.
Ол Монреалда (Канада) мексикалық Мигель Васкеспен (41-8, 15 КО) жұдырықтасты, деп хабарлады Sports.kz.
Жекпе-жекте екі чемпиондық белбеу – бос тұрған WBA Continental және IBF Inter-Continental бәске тігілді.
Жүкембаев төрешілердің бірауыздан шешімімен жеңіске жетіп, екі белбеуді де иеленді. Жеңілмеген қазақстандық боксшының жекпе-жегін төменде көруге болады.
Батыр Жүкембаев үшін бұл кәсіби карьерасындағы он жетінші жеңіс болды, ал Мигель Васкес тоғызыншы рет жеңіліске ұшырады. Сонымен қатар, қазақстандық боксшы үшін бұл үшінші титулдық жекпе-жек екенін айта кету керек.
1342 рет оқылды
