#
#
Жексенбі 17/11/2019

Жәнібек Әлімханұлы екі чемпиондық титулды жеңіп алды (Видео)

  • 13.04.2019
  • 0
  • 1398

Қазақстандық боксшы Жәнібек Әлімханұлы (4-0, 1 КО) алғашқы титулдық айқасын өткізіп, жеңіске жетті, деп xабарлайды "Ұлт ақпарат".

АҚШ-тың Лос-Анджелес қаласында болған жекпе-жекте Жәнібек Әлімxанұлы Кристиан Оливаспен (16-4, 13 КО) жұдырықтасты. Ал сарапқа бірден екі титул - орта салмақтағы WBO Global мен WBC Continental Americas белбеулері салынды. Бірінші раундта екі боксшы бір-бірін зерттеп жүрді. Жәнібек Әлімxанұлы шегініп жүрсе де, бірнеше рет дәл соққы жасай білді. Кристиан Оливас болса, екі қолын түсірмей, барынша қысым көрсетуге тырысты. Алайда қазақ боксшысы жылдам джебтерімен қарсыластың қорғанысын оңай бұзып, тіпті үшінші раундта ашық шабуылға көшті. Әдемі апперкоттары да өтті.

Осыдан кейін Жәнібек Әлімxанұлының боксында еркіндік сезіле бастады. Қарсыласын айналып жүріп, соққының астына алды. Сериялық соққылардың қатты болғаны сонша, Кристианның артқа шегініп, сәл тәлтіректеп қалғаны байқалды. Осылайша, барлық он раундта Жәнібек Әлімxанұлының басымдығы айқын көрінді, жылдамдығы да баяулаған жоқ.  

Әділ қазылардың шешімімен қазақ боксшысы жеңімпаз атанып, екі бірдей белбеудің иегері атанды. Айта кеткен жөн, Жәнібек Әлімxанұлы кәсіби бокстағы алғашқы 10 раундық жекпе-жегін өткізді.   

Ол Василий Ломаченко - Энтони Кролла арасында өткен бокс кешінің андеркартында жұдырықтасқан еді.

Еске сала кетсек, бұған дейін Әлімханұлы инстаграм желісінде Сауль Альварес, Дэниэл Джейкобс және Деметриус Андраденің суреттерін жариялап, "барлық белбеуді қайтарып алғысы келетінін" жазған еді.

0 пікір

Пікір қалдыру

Чтобы оставлять комментарий нужно зарегистрироваться или авторизироваться
БАННЕР

Аймақтар жаңалықтары

Басқа да мақалалар