#
#
Жұма 15/12/2017

"Яндекс" Назарбаевтың криптовалюта енгізу туралы ұсынысына қатысты пікір білдірді

  • 17.06.2017
  • 0
  • 1471

Ресейдің "Яндекс.Деньги" компаниясы Қазақстан Президенті Нұрсұлтан Назарбаевтың әлемде бірыңғай криптовалюта енгізу туралы идеясына қатысты пікір білдірді, - деп хабарлайды РИА Новости.

"Нарық мультивалюталық әлемнің моделін қабылдады. Технология дамығаннан бері және электрондық ақша аударымдары пайда болғаннан бастап валютаны бір сәтте-ақ айырбастауға болады. Сондықтан халықта ел ішінде және шетелде ақша аударымдарын жасаған кезде ешқандай қиындық туындамайды", - деді РИА Новости басылымына компания өкілдері.

"Криптовалюта жайлы айтатын болсақ, бұл идеяны енгізу үшін құқықтық жағдай мен оны реттеу мәселесінің қаралуы маңызды. Қандай жағдай болсын, әлемді жаңа модельге мәжбүрлеп көшіру мүмкін емес. Себебі біздің ойыншыларда (банктер, төлем жүйелері, трансұлттық компаниялар) ондай қажеттілік болып тұрған жоқ", - деді компаниядағылар.

Еске сала кетейік, кеше Нұрсұлтан Назарбаев әлемде бірыңғай криптовалюта енгізуді ұсынған болатын. "Әлемдік қаржы құрылымын өзгерту қажеттілігі туып отыр. Халықаралық есеп-айырысудың төлем бірлігін енгізу мәселесін қарастыратын кез келді. Криптовалюта әлемді инфляциядан және сауда қатынастарындағы қателіктерден аулақ болуға көмектеседі. Валюта қарапайым, ашық әрі тұтынушыларға бағынышты болуы керек. Цифрландыру, технологиялардың дамуын ескеретін болсақ, мұндай бірлік криптовалюта түрінде енгізілуі керек", - деген еді Назарбаев Астанада өтіп жатқан экономикалық форумның пленарлық отырысында. 

kaz.tengrinews.kz

0 пікір

Пікір қалдыру

БАННЕР

Аймақтар жаңалықтары

Басқа да мақалалар