#
#
Сейсенбі 24/09/2019

Тоқаев браконьерлердің қолынан қаза тапқан азаматтың отбасына көңіл айтты

  • 23.07.2019
  • 5
  • 344

Мемлекет басшысы Қасым-Жомарт Тоқаев браконьерлердің қолынан қаза тапқан азаматтың отбасына көңіл айтты. Бұл туралы Қазақстан Президенті Twitter-де жазды.

«Браконьерлермен арпалыста ерлікпен қаза болған қорықшы Қаныш Нұртазиновтың жақындарына шынайы көңіл айтамын. Қаскөйлер ұсталып, жауапқа тартылады. Киіктерді атқаны үшін жазаны күшейту қажет. Қаза тапқан Қ.Нұртазинов марапатталатын болады. Егерь С.Оспановтың сауығып кетуін тілеймін», - деп жазды Қасым-Жомарт Тоқаев.

Айта кетейік, Ақмола облысы Жарқайың ауданында инспекторлар табиғатты қорғау заңнамасын бұзғандардың алдын алу шарасын жүргізіп, киік ату фактісін анықтаған. Заң бұзушылардың ізіне түскенде 10 өңірге – Қостанай облысына тиесілі ақ түсті «Нива» маркалы автокөліктен (мемлекеттік нөмірі белгісіз) оқ атылып, екі инспектор жарақат алған.

Кейінірек ҚР АШМ Орман шаруашылығы және жануарлар әлемі комитетінің баспасөз хатшысы Сәкен Ділдахмет жарақат алған браконьерлердің бірінің қайтыс болғаны туралы хабар таратты.

Сондай-ақ браконьерлердің қолынан қаза тапқан инспектордың артында төрт баласы қалғандығы белгілі болды.

Ал ҚР Экология, геология және табиғи ресурстар министрі Мағзұм Мырзағалиев браконьерлер қолынан мерт болған инспектордың отбасына көңіл айтып, оның отбасына барлық қажетті көмектің көрсетілетіндігін жеткізді.  

Ақмола облысы Жарқайың ауданының полиция бөлімі күдіктілерді іздеп жатыр.

5 пікір

  • АлматCәрсенбі, 24.07.2019

    Осы іске қатысы бар браконьерлерді ұстап, қылмыстық жауапкершілікке тарту керек.

  • СакенCәрсенбі, 24.07.2019

    Осылай жазықсыз бракоьерлер кете берсе, біз өзіміздің асыл киіктеріміз бен осындай батырларымызды сақтап қала алмаймыз, сондықтан да құқық қорғау органдары әділ түрде тергеу жұмыстарын жүргізу керек.

  • БерикболCәрсенбі, 24.07.2019

    Жалпы біздегі аң жануралар, жалпы табиғатты қорғаудағы заңды күшейту керек, сол арқылы адамдар да аман қалып, зардап шекпейтін болады.

  • ДосболCәрсенбі, 24.07.2019

    Осы жағдайдан кейін жалпы аң, өсімдік қорғау шаруашылығына бей-жай қарамау керек, барынша қатаң түрде осы іске қатыстыларға тиісті шаралар қарастырған жөн.

  • ЖорабекCәрсенбі, 24.07.2019

    Қаскөйлердің қолынан қаза тапқан Охотпромның инспектірінің туған туыс, бауырларына көңіл айтамыз, қасындағы әріптесіне тездетіп жазылып шығуын тілейміз.

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР

Аймақтар жаңалықтары

Басқа да мақалалар