Қазақстандық Елена Рыбакина бүгін жаңартылған әлемдік рейтингте 36-орынға көтерілді, деп хабарлайды "Ұлт ақпарат".
Бұл осыған дейін 37-сатыда тұрған 20 жасар теннисшінің үздік көрсеткіші саналады.
Қазақстанның бірінші ракеткасы Юлия Путинцева бұрынғы 34-інші, ал Зарина Дияс 78-орнында қалды.
Дүниежүзілік рейтинг көшін бұрынғыша аустралиялық Эшли Барти бастап келеді. Чехиялық Каролина Плишкова - екінші, жапониялық Наоми Осака - үшінші орында.
Ерлер арасындағы рейтингте испаниялық Рафаэль Надаль, сербиялық Новак Джокович және швейцариялық Роджер Федерер үздік үштікте тұр.
Қазақстанның бірінші ракеткасы Александр Бублик 48-ден 58-сатыға сырғып кетті. Михаил Кукушкин 67-орында қалса, Дмитрий Попко 189-дан 186-ға жоғарылады.
Қазіргі кезде теннисшілердің дені маусымды аяқтап, демалуда, сосын алдағы жылға дайындалады.
Қазақстан ерлер құрамасы алдағы аптада аса жауапты жарыс – Испанияда өтетін Дэвис кубогы финалында сынға түседі.
Еске сала кетейік, бұдан бұрын Қазақстан құрамасының Дэвис кубогы финалына қатысатынын жазған болатынбыз.
938 рет оқылды
