#
#
Жұма 05/06/2020

Теңіз кенішінде COVID-19 вирусын жұқтырған адаммен байланыста болғандар анықталды

  • 09.04.2020
  • 0
  • 222

Теңіз кен орнының вахташылар тұратын ауылында коронавирус жұқтырған әйелмен байланысты болғандар анықталды. Олардың жалпы саны 10 адам, деп хабарлайды "Ұлт ақпарат". 

Өңірлік коммуникациялар қызметінде өткен брифингіде Атырау облыстық денсаулық сақтау басқармасы бастығының орынбасары Гүлнафис Таңбаева Ватернас атты вахташылар ауылындағы 50 жастағы әйелмен байланыста болған 10 адамның барлығынан анализ алынғандығын хабарлады.

Жұмысшылардың барлығы оқшауландырылып, стационарға жатқызылған. Сонымен қатар вирус жұқтырған адаммен байланыста болғандармен қарым-қатынас жасаған тағы 50 адам оқшауландырылды. 

«Теңізшевройл» ЖШС Қоғаммен және БАҚ-пен байланыс жөніндегі бас менеджер Рзабек Артығалиевтің сөзінше, қазіргі таңда Теңіз кенішінен шығуға тыйым салынған. Кенішке тек бірініші кезекте қажетті тауарларды тасымалдайтын көліктер мен жүк көліктеріне ғана кіруге рұқсат етілген. Жүргізушілердің дене қызуы тексеріліп жатыр. Кенішке кіретін жерлерде 4 санитарлық бекет орнатылды. Кәсіпорынның өзінде адамдар ара қашықтықты сақтап жүреді, барлық өндіріс нысандары дезинфекцияланып, термометриялық скрининг жүргізіліп жатыр.

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР

Аймақтар жаңалықтары

Басқа да мақалалар