Таразда бұған дейін коронавирус инфекциясы анықталған 86 жастағы әйел тұрған «Қарасу алқабы» шағын ауданындағы көппәтерлі тұрғын үйдің кіреберісі карантинге жабылды. Қазір науқас инфекциялық стационарда ем алуда, - деп хабарлайды облыс әкімдігінің баспасөз қызметі.
Эпидемиологиялық тексеру барысында оның 17 наурызда Алматыдан келген жақын туысымен байланыста болғаны анықталды. Байланыста болған барлығы 5 адам анықталып, карантинге орналастырылды.
Подъез бен пәтерде дезинфекциялау жүргізілді. Осы подъездегі 27 тұрғыны 14 күнге оқшауланып, пәтерінен шығуға тыйым салынды. Олармен тиісті мамандар әңгімелесіп, өзін-өзі оқшаулаудың маңызын түсіндірді. Подъезде полиция қызметкерлері кезекшілік етуде.
Тұрғындарды Тараз қаласының әкімдігі қажетті азық-түлікпен қамтамасыз етеді.
Жалпы өңірде 45 коронавирус оқиғасы тіркелген. Оның ішінде 11 адам шекаралық өткізу бекетінен өткенде анықталған. Ал 6 адам Делиден келген. Тараз қаласында 5 оқиға, Қордай ауданында – 18, Меркі ауданында – 2, Шу, Мойынқұм және Жамбыл ауданында – бір-біреуден тіркелген.
717 рет оқылды
_140_110.webp)
_80_80.webp)
