#
#
Жұма 10/04/2020

Талғат Қалиев: Демократ болатын адам әртүрлі пікірді тыңдауға дайын болу керек

  • 17.02.2020
  • 0
  • 96

Орталық коммуникациялар қызметі» республикалық мемлекеттік мекемесінің директоры Талғат Қалиев Ұлттық қоғамдық сенім кеңесі құрылған алты айдың жұмысын өзінше қорытындылады. Кеңес мүшесінің айтуынша, жарты жылдың ішінде айтулы қадамдар жасалған, деп хабарлайды ҚазАқпарат.

«Ұлттық кеңестің алты айдағы жұмысы туралы айтар болсақ, мұнда мәселе динамикада емес – процестің жүріп жатқанында. Жарты жылдың ішінде бірталай жұмыс жасалды. Бірақ қазір бізде жалпы саяси мәдениет жоқ деп айтар едім. Жалпы ол – 30 жыл бойы консервацияда болған нәрсе. Оны өзгерту керек. Бұл - екі жақтың да жұмысы. Мәселен бейбіт жиындар туралы әртүрлі пікір айтылып жатыр. Көбінесе ол пікірталастарға кіріспеймін. Бірақ қарап отырсам, пікірлері қайшыласқан адамдар бір-бірін «банға» кіргізіп жатады. Демократ болам десең әртүрлі пікірлерді тыңдауға дайын болуың керек», - деді Еуразиялық интеграция институтындағы «Ұлттық қоғамдық сенім кеңесі: талдамалық зерделеу» атты сараптамалық баяндаманың таныстырылымында.

Сарапшының айтуына қарағанда, Ұлттық кеңес құрылған алты айдың ішінде көп талқыға түсіп жататын заңдар бойынша едәуір прогресс бар.

«Оның бір ғана мысалы – Парламенттік оппозиция. Президенттің өзі бұл қадамға дайын болып отыр. Тиісінше қазір бұл өзгеріс ешкімнің көзіне көріне бермеуі мүмкін. Бірақ күні ертең заң қабылдауда немесе бюджетті бекітуде бұл өзгерістердің өзектілігі өзін көрсетері анық. Сонымен қатар бейбіт жиынның ескерту немесе жазбаша өтініш беру тәртібіне қатысты әртүрлі пікірлер айтылуда. Бұл пікірталастың өзінің принциптік маңызы зор», - дейді ол.

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР

Аймақтар жаңалықтары

Басқа да мақалалар