#
#
Бейсенбі 19/09/2019

Созақтық бағбандар қауын-қарбыздарын Ресейге саудаламақ

  • 21.08.2019
  • 0
  • 188

Түркістан облысы, Созақ ауданының бағбандары қауын-қарбыздарын экспортқа шығаруды жоспарлап отыр. Шаруа қожалықтары бірігіп, 600 тоннадан астам өнімді Ресейге саудаламақ, деп хабарлайды "Ұлт ақпарат".

Диқандар биыл жалпы 107 гектар аумаққа бақша өнімдерін егіп, оның 40 гектарына қауын өсірді. Қалған 66 гектардан астам жерге қарбыз көшеті отырғызылған.

Айта кетейік, оңтүстік өңірінің теріскейі саналатын ауданда бақша өнімдерін өсіру енді ғана қолға алынып келеді. Қысы қатал болатын өңірде тұрғындар негізінен мал шаруашылығымен айналысады. Түйе бағып, оның сүтін өндіреді. Ал бау-бақша ұстап, одан өнім алуды Созақ ауылының шаруалары ғана жүзеге асыруда. Аталған ауылда 2020 жылға тағы 3 шаруа қожалығы бақша өнімдерін өсірмек. Өйткені дайын өнімге жергілікті тұрғындардан да сұраныс артқан.

Еске салайық, созақтық бағбандар өткен жылы да қауын-қарбыздарын экспортқа шығарған болатын. Сөйтіп мол табысқа кенелген.

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР