#
#
Сенбі 22/02/2020

Социалистік Еңбек Ері 83 жасқа қараған шағында дүниеден өтті

  • 16.01.2020
  • 0
  • 186

Социалистік Еңбек Ері, Ақмола облысы мен Аршалы ауданының құрметті азаматы Ибрагим Жанғоразов 83 жасқа қараған шағында дүниеден өтті, деп хабарлайды "Ұлт ақпарат" Ақмола облыстық ішкі саясат басқармасына сілтеме жасап.

Айта кетейік, Ибрагим Дәуітұлы 1937 жылдың 19 шілдесінде туған. Қырық жылдан астам уақыт бойы республикамыздың құс өсіру саласының көш басындағы ұжымды басқарып келді. Одан басқа, «Ижевский» ӨК - өңірдегі бидай өндірудің флагманы, кәсіпорын мал шаруашылығымен танымал болған.

Ибрагим Дәуітұлы еліміздің, Ақмола облысының әлеуметтік-экономикалық дамуына елеулі үлес қосты. Бар өмірін аграрлы салаға арнаған ол нарықтық экономика жағдайында өнімділігі жоғары кәсіпорын ұйымдастыруда үлкен жетістіктерге жетті.

Ибрагим Дәуітұлы - Социалистік Еңбек Ері, Ақмола облысы мен Аршалы ауданының құрметті азаматы, «Ижевский» ӨК бас директоры, Қазақстан Республикасы Ауыл шаруашылық академиясының академигі, сондай-ақ, «Парасат», «Отан» тәрізді бірнеше медальдардың иегері. Қазақстанның құс өсірушілер одағының құрметті президенті, Құрметті құс өсіруші, ҚР Еңбегі сіңген ауыл шаруашылығы қызметкері, И.Бараев атындағы мемлекеттік сыйлықтың лауреаты, Қазақстан халқы Ассамблеясының мүшесі.

«Ол - еліміздің және Ақмола облысының мақтанышы» дейді облыстық ішкі саясат басқармасындағылар.

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР

Аймақтар жаңалықтары

Басқа да мақалалар