26 ақп, 2020 сағат 12:38

СҚО-да пакеттен шақалақтың денесі табылды: Анасының үстінен іс қозғалды

Солтүстік Қазақстан облысында пакетке салынған шақалақтың өлі денесі табылды, деп хабарлайды "Ұлт ақпарат" Polisia.kz сайтына сілтеме жасап.

25 ақпан күні Тайынша ауданының полиция бөліміне аудандық ауруханадан Обуховка ауылында жаңа туған сәбидің денесі табылғаны туралы хабарлама түскен.

«Жедел-тергеу тобы оқиға орнын тексеру барысында есік алдындағы қора-қопсының артқы жағына жасырылған пакеттен зорлықпен өлтірілген қыз баланың мәйітін тапты. Іс сотқа дейінгі тергеп-тексерудің бірыңғай тізіліміне Қылмыстық кодекстің 100-бабы (Жаңа туған баланы анасының өлтіруі) бойынша тіркелді. Күдікті Обуховка ауылының 1992 жылы туған тұрғыны екені анықталды. Ол аудандық ауруханаға жатқызылды. Өлім себептерін анықтау үшін жаңа туған нәрестенің мәйіті сот-медициналық сараптамаға жіберілді», - делінген ақпаратта.