#
#
Жұма 24/05/2019

Сенатор Көрісу күнін ресми түрде мереке деп белгілеуді ұсынды

  • 14.03.2019
  • 0
  • 2533

Қасым-Жомарт Тоқаевтың төрағалығымен өткен Сенат отырысында сенатор С. Еңсегенов Үкімет басшысына 14 наурызды Көрісу күні мерекесі деп белгілеу туралы депутаттық сауалын жария етті.

Әр жылдың он төртiншi наурыз күнi тойланатын Көрiсу мерекесi - елiміздің батыс өңiрiнде сан ғасырлардан санаға сiңiстi болып, ұрпақтан - ұрпаққа жалғасып келе жатқан мереке. 

Халықты ынтымаққа, бауырмалдыққа, кешірімшілдікке, мейірімділікке, имандылыққа үндейтін мерекені бүкіл ел болып атап өтетін мейрамдар тізбесіне енгізу туралы сенатордың депутаттық сауалының толық мәтіні төмендегідей.

Көктемнiң алғашқы жылуымен қатар келетiн осы күнi халық ақ тiлегiн айтып, жасы кiшiлерi жасы үлкендерге арнайы барып, құшақтасып көрісіп, әрбiр отбасының амандығын, елдiң тыныштығын, істерінің берекелi болуын тілейдi. Әрбір шаңырақ таңның атуымен дастарханын жайып қонақ күтедi, қариялар мен әжелер батасын бередi. 

Қытымыр қыстан аман - есен шыкққан халық жердiң бусанып, малдың төлдеп, жемiс теректерiнiң бүршiк жарғанын көрiп алдағы күндерiн жаксылыққа жорып, болашақтың қамын бiрлесе ақылға салады. Көне көз қариялар осы күнi көтерем болып жатып қалған малдың бауырын жерден көтеретiнін айтады. 

Заманында Көрiсу елiмздiң барлық аймақтарында болған, халқымызға кеңiнен таралған. Бiрақ, әр түрлi себептермен өткен ғасырдың отызыншы жылдарынан бастап бұл дәстүр кей жерлерде ұмытыла бастаған. 

Қазіргі мезгiлде, ол Қазақстанның басқа да облыстарына таралып, арнайы ic-шаралар ұйымдастырылып жүр. Бұған әсiресе, батыс өңiрлерiндегi iрi шет елдiк, бiрлескен кәсiпорындар, шет ел азаматтары мен бiрге елдегi барлық этнос өкiлдерi белсене қатысуда. Бүгiн Көрiсу - жекелеген аймақтың немесе тек қазақ халқының мейрамы емес. Оның аумағы мен ауқымы өсiп, Елдiң қоғамдык өмiрiндегi ролi арытып келедi. Шын мәнiнде ол азаматтарымыздың дәстурлi түрде аталып өтетiн мерекесiне айналды. Алыс - жақын шет мемлекеттерде жүрген азаматтарымыз да осы атаулы күндi мерекелеп, шетелдiктерге таныстыруда. 

Адамды бауырмалдыққа, кiсiлiкке, кiшiлiкке, ізгілікке, жасампаздыққа, жаксылыққа тәрбиелейтін, тамыры тереңге кеткен, халқымзға берері мол, рухани қуаты ерекше-дәстүрлi түрде аталып жүрген Көрісу күнін ресми түрде айналымға енгізу жөнінде пікірлер айтылуда. 

Қазақстан Республикасының "Қазақстан Республикасындағы мерекелер туралы" заңына сәйкес елімізде ұлттык, мемлекеттiк, кәсіби және өзге де мерекелер аталып өтiледi.

Осы заңның 4 бабына сәйкес кәсіби және өзге де мерекелiк күндер тізбесін Қазақстан Республикасының Үкіметі белгілейді. 

Осылай дей келіп сенатор С. Еңсегенов халқымыздың салт-дәстүрін қолдау және оны дәріптеу мақсатында 14 наурызды Көрісу күні мерекесі деп белгілеу жөнiнде ұсыныс енгізетінін жариялады және Үкімет басшысынан тиісті мемлекеттік органдарға тапсырма беруді сұрады.

Әділбек Қаба

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР

Аймақтар жаңалықтары

Басқа да мақалалар