#
#
Жұма 03/04/2020

Сапарбаев: Барлық ұлт өкілдері өңірдегі бейбітшілікті сақтауы тиіс

  • 19.02.2020
  • 0
  • 170

Жамбыл облысында тұратын барлық ұлт мен этнос өкілдері өңірдегі бейбітшілік пен келісімді сақтауы тиіс. Бұл туралы облыс әкімі Бердібек Сапарбаев халықпен есепті кездесуінде айтты, деп хабарлайды "Ұлт ақпарат" облыс әкімдігінің ресми сайтына сілтеме жасап.

«Біз көп ұлтты мемлекет екенімізді ешқашан ұмытпауымыз керек. Қазақстанның 30 жылдағы жеткен ең басты байлығы – бірлік пен бейбітшілік. Біз мұны одан әрі сақтап тұруға міндеттіміз. Облыста 87 этнос өкілі өмір сүреді десек, олар әрқашан ынтымақ пен татулықта тіршілік кешіп келді. Қордай ауданында болған жағдай біз үшін сабақ болуы тиіс», - деп атап өтті Б.Сапарбаев.

Аймақ басшысы облыстағы алғашқы жұмыс күнінен бастап қоғамдық кеңеспен, зиялы қауым өкілдерімен, бірқатар ауыл тұрғынымен кездесу өткізіп, азаматтарды жеке қабылдағанын, халықты толғандыратын өзекті мәселелерден хабардар болғанын атап өтті.

«Кеше менен «Заң талаптары сақтала ма?» деп сұрады. Сақталады! Біз құқықтық мемлекетте өмір сүреміз, сондықтан еліміздің заңдарын орындауға міндеттіміз», - деп атап өтті облыс басшысы.

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР

Аймақтар жаңалықтары

Басқа да мақалалар