Бірнеше тұжырым бойынша бұрынғы әлем чемпионы Геннадий Головкинді жаттықтырған америкалық бапкер Абель Санчес GGG мен Сауль "Канело" Альварестің үшінші жекпе-жегі өткен жағдайда кім жеңетінін болжады.
Бұған дейінгі екі жекпе-жек Геннадий үшін сәтті болмады – біріншісі тең аяқталса, екіншісінде төрешілер жеңісті мексикалыққа берді. Головкин сәуірдің соңында бапкерін ауыстыруға шешім қабылдап, қазір Джонатон Бэнкстің нұсқауымен жаттығу жасап жатыр. Ол 8 маусым күні канадалық Стив Роллспен жұдырықтасады, деп хабарлады Sputnik Sports.kz порталына сілтеме жасап.
"Геннадий "Канелоны" бұған дейін екі рет жеңді, оны үшінші рет жеңбеуге еш себеп жоқ. Егер бас тарта алмайтындай табысты келісім ұсынбайтын болса, ол онымен Вегаста жұдырықтаспайды деп үміттенемін. Алайда "Канело" Лас-Вегаста басымдыққа ие сияқты. Сондықтан егер олар қайта кездесетін болса, жекпе-жек басқа жерде өтеді деген үміттемін. GGG алдыңғы екі жекпе-жектегідей бұл жолы да оны жеңеді", - дейді Абель Санчес.
1606 рет оқылды
_140_110.webp)
