#
#
Сейсенбі 24/01/2017

Сағынтаев тіркелу жұмыстарындағы түйіткілді мәселелерді сынға алды

  • 10.01.2017
  • 0
  • 597


ҚР Премьер-Министрі Бақытжан Сағынтаев Үкімет отырысы барысында министрліктерге азаматтардың келген жерінде уақытша тіркелу нормалары мен ережелері туралы ауқымды түсіндіру жұмыстарын жүргізуді тапсырды, "Ұлт ақпарат" баспасөз қызметіне сілтеме жасап.

«Қазір қоғамда, бұқаралық ақпарат құралдарында азаматтардың уақытша тіркелуіне қатысты тақырып белсенді түрде талқылануда. Адамдардың сауалдары көп, ал ақпарат жеткіліксіз. ХҚКО-ларда кезек көбейген», - деді Б.Сағынтаев.

Премьер-Министр ҚР ІІМ-іне ҚР АКМ-імен бірлесіп жаңашылдықты түсіндіру бойынша ауқымды ақпараттық жұмыстар жүргізуді және тіркеу шарасын барынша жедел жүзеге асыруды тапсырды. Б.Сағынтаев бұл «Азаматтар үшін үкімет» мемлекеттік корпорациясының да міндеті екенін еске салды.

«Азаматтарымызға олар үшін қолайлы уақытта тіркелуге мүмкіндік беруіміз керек. Ол үшін ХҚКО-ында жұмыс істейтін терезелер санын барынша көбейтіп, қызмет көрсететін операторлар санын жеткілікті ету керек», - деп нақтылады Б.Сағынтаев.

0 пікір

Пікір қалдыру

Маңызды мақалалар

БАННЕР

Аймақтар жаңалықтары

Басқа да мақалалар