10 қыр, 2019 сағат 13:20

Сағынтаев Алматыдағы ЖОО ректорларымен кездесті

Алматы әкімі Бақытжан Сағынтаев қаладағы жоғары оқу орындарының ректорларымен кеңес өткізді. Бұл туралы шаһар басшысы Facebook-тегі парақшасында жазды, деп хабарлайды "Ұлт ақпарат".

«Қаланың жоғары оқу орындарының ректорларымен кеңес өткіздім. Әлеуметтік-экономикалық блок мәселелерін қарадық, олар: Елбасының «Бес әлеуметтік бастамасы» аясында жатақхана салу; бұрыннан бар жатақханалардың санитарлық-эпидемиологиялық жағдайлары, студенттік ортада қауіпсіздікті қамтамасыз ету», - деп жазды ол.

Сондай-ақ Алматы әкімі, студенттердің әлеуметтік-тұрмыстық жағдайлары, жоғары оқу орындары ректорларының басты назарында болуы тиіс екенін тілге тиек етті.