24 там, 2019 сағат 06:08

Рыпакова Парижде өтетін «Бриллиант лигасы» кезеңіне қатысады

Бүгін Парижде жеңіл атлетикадан әйгілі «Бриллиант лига» турнирінің кезекті кезеңі өтеді.

Аталмыш шараға Қазақстан командасының лидері Ольга Рыпакова қатысады, деп хабарлайды "Ұлт ақпарат" ҚР Ұлттық Олимпиадалық комитеттің баспасөз қызметіне сілтеме жасап.

Қазақстандық спортшы үш қарғып секіру жарысына қатысады. Лидерлер арасындағы алғашқы старт хаттамасының тізімінде 10 спортшы тұр. Стартқа тек колумбиялық Олимпиада чемпионы Катрин Ибаргуэн ғана шықпайды.   

Айта кетейік, қазіргі таңда үздік нәтиже венесуэлалық Юлимар Рохасқа тиесілі. Оның нәтижесі – 15.11. Рыпакованың осы маусымдағы ең үздік көрсеткіші 14.37.