#
#
Жұма 23/08/2019

Прокуратура дауыс беру күнінде қандай заң бұзу әрекеттерін анықтады?

  • 10.06.2019
  • 0
  • 2196

Бүгін ҚР Орталық сайлау комиссиясының хатшысы Зәуреш Баймолдина ҚР Президентін сайлау күнінде прокуратура органдары қандай заңбұзушылықтарды анықтағанын айтып берді, деп хабарлайды ҚазАқпарат тілшісі.

«Прокуратура әкімшілік құқықбұзшылық белгілерінің бар екендігін анықтаған материалдарға жеке тоқталып өтейін. Олардың жалпы саны 19 болды. Істің басым бөлігі (12) учаскелік сайлау комиссиясы мүшелерінің азаматтарға өзге тұлғаның атынан дауыс беру үшін бюллетеньдерді беруіне қатысты. 6 материал сайлаушылардың бірдей сайлау құқығы талаптарын бұзуымен байланысты болды. Яғни, бұл жағдайда олар өзге сайлаушылардң орнына дауыс бермек болды», - деді Зәуреш Баймолдина Орталық сайлау комиссиясының отырысында.

Оның айтуынша, іс жүзінде барлық деректерде сайлаушы учаскелік сайлау комиссиясының мүшесінен өзінің отбасы мүшелері үшін дауыс беруге мүмкіншілік жасауын өтінген.

«Бұл әсіресе ауылдық жерлерде барынша өзекті болды. Жұбайы, балалары үшін дауыс беру көптеген ауыл тұрғындары үшін сайлау заңнамасын бұзушылық болып есептелінбейді. 1 материал сайлауалды үгіт жүргізу ережесін бұзумен байланысты болды. Аталған заңбұзушылықтардың 40 пайыздан астамы, нақты айтқанда 8-і Түркістан облысына тиесілі. Алматы мен Атырау облыстарында, Нұр-Сұлтан мен Алматы қалаларында екі істен тіркелді. Бұл істер құзіретті органдардың қарауында жатыр. Біз олардан тиісті ақпараттарды сұраймыз», - деді ҚР ОСК мүшесі.  

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР

Аймақтар жаңалықтары

Басқа да мақалалар