#
#
Жексенбі 25/08/2019

Президент көмекшісі Еуропадағы дипломатиялық миссияларды қайта құруды түсіндірді

  • 18.07.2019
  • 0
  • 420

Қазақстан Президентінің көмекшісі Мұрат Нұртілеуов бірқатар Еуропа елдеріндегі дипломатиялық миссияларды қайта құруға қатысты пікір білдірді.

Мемлекет басшысы Қасым-Жомарт Тоқаев өзінің ұлықтау рәсімінде сөйлеген сөзінде көпвекторлы сыртқы саясаттың «елімізге, ұлттық бизнеске, әр азаматымызға нақты пайдасын тигізуі тиіс» екенін айтты.

Мұрат Нұртілеуовтің пікірінше, отандық дипломатиялық қызмет әлемнің кез келген жерінде ұлттық мүддемізді нық қорғауы тиіс. Бұл ретте, саяси прагматизм мен экономикалық мақсатқа негізделген тиісті басымдықтарды анықтаудың маңызы аса зор. 

«Қазақстан Республикасының сыртқы саясатында еуропалық елдердің алатын орны айрықша. Қазақстан мен Еуроодақ арасындағы Ынтымақтастықты кеңейту туралы келісімді іске асыру үшін еуропалық тараппен жүйелі жұмыс істеуіміз қажет. Еуроодақтың Орталық Азия бойынша биылғы маусымда қабылдаған жаңартылған стратегиясы серіктестікті нығайту үшін тың мүмкіндіктерге жол ашады», - деді Президент көмекшісі.

Сондай-ақ, ол Еуропалық одақ Қазақстанның ірі сауда-экономикалық және инвестициялық серіктесі екенін атап өтті. Оның айтуынша, еліміздің сыртқы сауда айналымының және Қазақстан экономикасына тартылған тікелей шетелдік инвестицияның жартысы Еуропалық одақ мемлекеттеріне тиесілі. 

«Осыған байланысты, Қазақстанның Болгария, Латвия, Португалия, Сербия, Словакия және Эстония елдеріндегі дипломатиялық миссияларға толыққанды елшілік мәртебесін беру – Еуропа мемлекеттерімен өзара іс-қимылдарды тереңдетуге бағытталған маңызды қадам», - деп атап өтті Мұрат Нұртілеуов.

Қазіргі уақытқа дейін осы елдерде біздің дипмиссияларымыз бен консулдықтарымыз ғана жұмыс істеді. Бұл аталған мемлекеттермен өзара ынтымақтастықты қарқынды дамытуға толық мүмкіндік бермеді.

«Жоғарыда көрсетілген мемлекеттердің елшіліктері Қазақстанда тиісті деңгейде жұмыс істеуде. Осыған орай, біздің серіктестеріміз Нұр-Сұлтан тарапынан лайықты қадам жасалатынына сенім білдіргендерін атап өту қажет», - деп айтты ол.

Президент көмекшісінің сөзінше, ауқымы жағынан шағын елшіліктерімізді қаржыландыру мәселесі жұмыс істеп тұрған дипломатиялық миссиялардың бюджеті шеңберінде қарастырылған. 

«Бұл – әлемдік тәжірибеде бар тәсіл, яғни мемлекеттер дипломатиялық өкілдіктердің ықшам, кәсіби, тиімді құрамы негізінде сапалы, әрі нәтижелі қызметке баса назар аударады. Қазақстан президентінің СІМ ұсынысы бойынша қол қойған Жарлығы Еуропалық Одақтың маңызды серіктестерімен қарым-қатынастарды дамытуға тың серпін беру үшін қажетті әрі орынды шешім болды», - деді Президент көмекшісі.

Оның айтуынша, аталған бастама мемлекетіміздің сыртқы саяси және сыртқы экономикалық қызметін әртараптандыруға арналған міндеттерді жүзеге асыруды көздейді.

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР

Аймақтар жаңалықтары

Басқа да мақалалар