#
#
Жұма 26/04/2019

Оразалин көп қабатты үйден шыққан өртке қатысты шұғыл жиын өткізді

  • 11.04.2019
  • 0
  • 232

11  сәуір күні Әбілқайыр хан даңғылындағы көп қабаттты үйден шыққан өртке байланысты Ақтөбе облысының әкімі Оңдасын Оразалин  шұғыл жиын өткізді.  Жиынға облыс әкімінің орынбасары, ТЖД бастығы, қала әкімі және жауапты органдар басшылары қатысты.    

Облыстық төтенше жағдайлар департаментінің бастығы Бауыржан Сыздықовтың хабарлауынша өрт 9 қабатты №73 үйдің балконынан шыққан. Өрт сөндіру жұмысына ТЖД-нің 29 қызметкері мен 8 бірлік техникасы тартылды. Өрттен үйдің тұрғындары зардап шеккен жоқ. Жалпы аумағы 6 шаршы метрді құраған өрт орнынан 50 адам эвакуацияланды.

Өрт болған жерге арнайы келіп тұрғындармен кездескен О.Оразалин түстен кейін барлық жауапты мемлекеттік органдарды жинап, арнайы тапсырмалар берді.        

«Бұл екінші рет қайталанып отырған төтенше жағдай. Осы жайт тұрғындар тарапынан наразылық тудырып отыр. Алдағы уақытта мұндай жағдайларды болдырмау мақсатында жан жақты жұмыс жүргізуіміз қажет. Қуанышымызға орай, өрт сөндіру қызметінің шұғыл келуінің арқасында адам шығыны болған жоқ. Ендігі міндет - қала тұрғындарының қауіпсіздігін қамтамасыз ету мақсатында қала әкімдігі осындай өрт тудыратын қаптаулары бар барлық тұрғын үйлерді анықтап, есепке алуы тиіс» - деді облыс әкімі жауапты мамандарға тапсырма беріп.

Айта кетейік, өрт шыққан үйге өрт сөндірушілер 4 минутта жеткен. ТЖД қызметінің алғашқы зерттеу жұмыстарының қорытындысы бойынша өрттің шығу себебі өшпей қалған темекі немесе сіріңкенің 2013 жылы қапталған үйдің сыртқы декоративті қаптауларына тиюінен туындауы мүмкін.   

«Ақтөбе қаласы бойынша қасбеті тез жанатын құрылыс материалымен қапталған 13 көпқабатты үй бар. Біз жергілікті әкімдікке хабар беріп, бәрін ауыстыруды сұрадық. Қазір жұмыс атқарылып жатыр. Ақтөбе облысының әкімдігі қала әкімдігіне тапсырма берді. Бәрін алмастыруы мүмкін», - деді Ақтөбе облыстық төтенше жағдайлар департаментінің бастығы Бауыржан Сыздықов.


Айта кетейік, тұрғындар да тез тұтанып, жанатын құрылыс материалын мүлде алып тастауды сұрап отыр.

«Тұрғындар кейде темекі тұқылын тастайды. Сол кезде де осындай өрт шығуы мүмкін. Бізге әсемдік емес, қауіпсіздік қажет. Алғаш рет өрт болған кезде-ақ алып тастауды сұрадық, бірақ нәтиже шықпай тұр», - деді ПИК төрайымы Татьяна Гречко.

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР

Аймақтар жаңалықтары

Басқа да мақалалар