#
#
Сенбі 21/07/2018

ОҚО әкімі Ғабидолла Әбдірахымовтың жаңа қызметіне табыс тіледі

  • 01.11.2017
  • 0
  • 790

Бүгін Оңтүстік Қазақстан облысының әкімі Ж.Түймебаев Шымкент қаласы әкімі қызметін атқарған Ғабидолла Әбдірахымовты қабылдап, абыроймен атқарған қызметі үшін жылы лебізін білдірді. Бұл туралы өңір басшысының  баспасөз қызметі хабарлады.

Облыс әкімі бар күш-жігерін, қаланың экономикасын дамытуға арнап, білікті ұйымдастырушы ретінде көзге түскен Ғабидолла Рахматұллаұлына облыс әкімдігінің атынан алғыс айтып, жаңа қызметтегі еңбегіне сәттілік тіледі.

«Өздеріңіз білесіздер, Шымкент қаласы Елбасының назарында болып, оның дамуына әрдайым көңіл аударып келеді. Мемлекет басшысының міндеттеген тапсырмаларын орындауда талмай еңбек еттіңіз. Үш есеге ұлғайған қала аумағын абаттандыру, орталыққа қосылған елді мекендердің инфрақұрылымын дамыту бағытындағы жүйелі жұмыстарыңыз үшін алғыс айтамын» деген облыс әкімі Ж.Түймебаев арнайы Алғыс хат тапсырды.

Ал, Ғабидолла Әбдірахымов өзіне үнемі қолдау көрсеткен облыс әкімі Ж.Түймебавпен өзге де әріптестеріне ыстық ықыласын жеткізді. Сондай-ақ, еліне және туған жеріне әлі де аянбай еңбек ететінін айтты.

Айта кетейік, кеше Ғабидолла Әбдірахымов «Нұр Отан» партиясының хатшысы қызметіне тағайындалды.

0 пікір

Пікір қалдыру

Чтобы оставлять комментарий нужно зарегистрироваться или авторизироваться
БАННЕР

Аймақтар жаңалықтары

Басқа да мақалалар