#
#
Жұма 24/05/2019

Нұрлан Нығматулин Қатар елшісімен кездесті

  • 14.03.2019
  • 0
  • 213

Бүгін Мәжіліс төрағасы Нұрлан Нығматулин Қатар мемлекетінің Қазақстандағы Төтенше және Өкілетті елшісі Ахмед бен Әли Әл - Тәмимимен кездесті, деп хабарлайды "Ұлт ақпарат" Мәжілістің баспасөз қызметіне сілтеме жасап.

Кездесуде елдер арасындағы ынтымақтастықты одан әрі дамытудың маңызды мәселелері талқыланды. Н. Нығматулин Қатар Қазақстанның маңызды серіктесі екенін алға тарта келіп, әріптестікті одан әрі белсенді түрде тереңдету қажеттілігіне тоқталды. Екі ел арасында дипломатиялық қарым-қатынас орнаған 26 жыл ішінде, Қазақстан мен Қатар көп бағытты әріптестікті нығайтуда жоғары табыстарға қол жеткізді.

Тараптардың айтуынша, ол екі мемлекет басшыларының өзара түсіністік пен достық ниетке негізделген тиімді жұмыстарының нәтижесі.

Нұрлан Нығматулиннің пікірінше, Қазақстан мен Қатардың сауда-экономикалық әлеуеті өте зор. Осыған орай, Н. Нығматулин Қатар кәсіпкерлерін Қазақстандағы қаржы саласы, ауыл шаруашылығы, көлік-логистикалық, туристік инфақұрылымдарды дамыту бойынша инвестициялық жобаларға қатысуға шақырды.

Өз кезегінде Ахмед бен Әли Әл-Тамими мырза, Қатар Әмірі Қазақстан Президенті Нұрсұлтан Назарбаевтың әрбір бастамасына аса құрметпен қарайтындығын және екі ел арасындағы қатынасты дамытуға әрқашанда ынталы екенін жеткізді. Сондай-ақ, Қатар мемлекеті саяси, экономикалық басқа да бағыттарда қолдау көрсете отырып, қос мемлекетке тиімді жобалардың барлығына қатысуға дайын екендігін білдірді.

Одан әрі кездесу иелері халықаралық және парламентаралық ынтымақтастық жайын сөз етті. Палата Спикері екіжақты қарым-қатынасты нығайтуда парламентаралық ықпалдастықтың рөлі зор екенін айтып ынтымақтастық жөніндегі топтар мен бейінді комитеттер арқылы өзара сапарлар практикасын енгізу қажеттігін, ол заңнама саласында жан-жақты тәжірибе алмасуға мүмкіндік беретініне тоқталды.

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР

Аймақтар жаңалықтары

Басқа да мақалалар