20 там, 2019 сағат 17:52

Нұр-Сұлтан қаласындағы әуежайға ұшақ апатты жағдайда қонды

Санья (Қытай)-Нұр-Сұлтан бағдары бойынша ұшақ апатты жағдайда қонды, деп хабарлайды "Ұлт ақпарат".

«Бүгін Scat әуе компаниясының Санья (Қытай)-Нұр-Сұлтан бағдары бойынша VSV464 рейсін орындауға ұшқан B757 әуе кемесі сағат 16.58 уақытында шұғыл қонды. Санья әуежайының диспетчерлік қызметінің алдын ала берген ақпаратына сәйкес, резеңкенің қалдықтары анықталған. Әуе кемесіне белгісіз зат соғылып, шассидің сол жақ негізгі тағанын тірейтін артқы дөңгелектің жоғарғы қабаты тілінген», - деп хабарлады ҚР ИИДМ Азаматтық авиация комитетінен.

Scat әуе компаниясы Нұр-Сұлтан қаласының әуежайының жердегі қызметімен әуе кемесінің қауіпсіз қонуын қамтамасыз ету бағытында әрекет еткен.

«Ұшақ жерге қауіпсіз қонды. Экипаж құрамында 7 адам, жолаушылардың саны 234 болған. Қазіргі уақытта ҚР ИИДМ авиациялық оқиғалар мен жағдайларды тергеу бойынша басқарманың комиссиясы тергеу жүргізіп жатыр», - деді Комитет.