Саяси кеңестің аймақтық бюросының ұсынысмен Бейсенбай Тәжібаев «Nur Otan» партиясы Түркістан облыстық филиалы төрағасының бірінші орынбасары болып тағайындалды, деп хабарлайды партияның баспасөз қызметі.
Бейсенбай Тәжібаев бұған дейін Түркістан облыстық Ішкі саясат басқармасының басшысы қызметін атқарды.
Бұған дейін «Nur Otan» партиясы төрағасының бірінші орынбасары Бауыржан Байбек еліміздің бірнеше облыстарын аралап, онда жергілікті атқарушы орган басшыларының партиялық жауапкершілігін күшейту және барлық деңгейдегі мәслихаттардағы депутаттық фракциялардың рөлін арттыру туралы бірқатар мәселелер талқыланған. Оның ішінде тез арада шешімін табуы тиіс проблемалық объектілер жеке партиялық бақылауға алынған болатын.
Арыс қаласына жасаған іс-сапарынан соң Бауыржан Байбек өзінің Twitter-дегі парақшасында партияға «Nur Otan»-ның Түркістан облыстық филиалы бірінші орынбасарының үстінен көптеген шағымдар түскенін жазды.
«Филиал төрағасымен келісе отырып, бұл мәселені Саяси кеңестің аймақтық бюросында қарап, Н.Жолдасовты партия қатарынан шығаруға дейін шара қолдану керек деп есептеймін. Жалпы, халықтың партияға деген сенімін арттыру үшін партиялық тәртіпті түбегейлі күшейтіп, ішкі «тазарту» жұмыстарын жүргізу қажет», – деді ол.
Айта кету керек, «Nur Otan» партиясының Лидері Нұрсұлтан Назарбаевтың партияны «қайта жүктеу» және кадрларды жаңарту жөніндегі тапсырмасына сәйкес, бұған дейін Ерлан Каналимов Нұр-Сұлтан қаласындағы партия филиалы төрағасының бірінші орынбасары болып тағайындалған болатын.
2232 рет оқылды
_140_110.webp)
_80_80.webp)
