31 нау, 2020 сағат 16:45

Ninety One тобы онлайн концерт өткізеді

«Карантиндегі жұлдыз» жобасы аясында k-pop жанрында ән айтатын Ninety One тобының онлайн концерті өтеді, деп хабарлайды "Ұлт ақпарат".

«Көпшіліктің сұрауы бойынша «Карантиндегі жұлдыз» жобасы аясында Ninety One тобының онлайн концерті өтеді. Сүйікті әндеріңіз орындалатын керемет кешті жіберіп алмаңыздар», - деп хабарланды топтың ресми парақшасында.

Онлайн концерт YouTube желісінде бүгін сағат 21:00-де басталады.

Айта кетейік, ҚР Мәдениет және спорт министрлігі елдегі төтенше жағдай кезеңінде бірнеше онлайн-жобаны жүзеге асыруда. Олардың арасында өнер сүйер қауымға арналған «Карантиндегі жұлдыз» жобасы бар. Күнде кешке YouTube-арнасының тікелей эфирінде танымал қазақстандық жұлдыздардың концерті өтеді.

Бұған дейін Жұбаныш Жексенұлы, Жеңіс Сейдоллаұлы, Ғаділбек Жанай, Сәкен Майғазиев онлайн концерт берген болатын. 26 наурыз күні кешке қазақстандықтарды өз әндерімен Роза Рымбаева қуантты. Жоба Мәдениет және спорт министрлігі мен «Қазақтелеком» АҚ қолдауымен жүзеге асырылуда.