Forbes about Kazakhstan, without PR.....
Форбстың АҚШ-тық оригинал нұсқасы Қазақстан туралы қомақты материал жариялапты. Себебі 16 қаңтар күні екі ел президенті жолықпақ.
Негізінен мақала президент Назарбаев жайлы. PR деген белгісі жоқ. Бір-екі жерде сынағаны болмаса, негізінен мақтапты.
Бұл ел бұрыңғы полицей-мемлекет Өзбекстан емес, шығысында соғысы бар Украина емес, Ресей басып кіреді-ау дейтін Литва емес, инвестицияны әлемнен жиған, Қытайдың миллиондарын Хоргосқа салдырған, Дженерал Электрикпен 700 локомотив соғып жатқан, Қашағанға миллиардтарды тарта білген Қазақстан депті. Шеврон биыл бұл елге қосымша 3,7 млрд $ құймақшы дегенді де қосыпты.
Бірақ көп "станның" бірі емес, Астанадағы МФЦ-ны мини-Дубай, аспандағы кішкене пирог деп мысқылдай сипаттапты.
Соңында бір эксперттің "инженерлер мен менеджерлердің біліміне осынша көп қаражат салған мұндай бірде-бір басшыны білмеймін" деген сөзімен аяқтаған. Қысқасы, елді де, президентті де мақтапты.
Дегенмен, алдағы кездесудегі басты тақырыптың бірі арестке қойылған 22 млрд және 5 млрд доллар қаражатымыздың тағдыры болатын секілді...
Оған қоса, 1 ақпаннан бастап Ресейдің Резервный фондында ақша қалмай жұмысын тоқтатуы - отқа май құйып тұр.
Нұрмұхаммед Байғараевтың фейсбуктегі жазбасынан