Тұңғыш Президент Нұрсұлтан Назарбаев Айманов атындағы "Қазақфильм" АҚ басшысы Ақан Сатаевты қабылдады, - деп хабарлайды Elbasy.kz.
Кездесу барысында Нұрсұлтан Назарбаев тәуелсіздік алғаннан бері мемлекет әрқашан өнер саласын дамытуға ерекше көңіл бөлгенін айтты.
"Сіздің киноиндустрияда жинаған тәжірибеңіз мол, қоғамда танымалдықа ие болдыңыз, фильмдеріңіз түрлі кинофестивальге қатысып жүлдемен оралып жүр. Көрермендер сіздің "Анаға апарар жол", "Томирис" және басқа да туындыңызға тәнті болды. Қазіргі уақытта сізге үлкен жауапкершілік жүктелген. Алдағы жұмысыңызға табыс тілеймін", - деді Елбасы.
Сондай-ақ, Ақан Сатаев Нұрсұлтан Назарбаевқа көркем фильмдер шығару жөніндегі жоспары мен отандық кино сапасын арттыру үшін қабылданып жатқан шаралар туралы айтып берді.
1112 рет оқылды
_140_110.webp)
