11 қар, 2019 сағат 12:58

Назарбаев «Композитор» фильмін жоғары бағалады

Нұрсұлтан Назарбаев «Композитор» фильмін жоғары бағалады, деп хабарлайды "Ұлт ақпарат".

«Қазақстандық актриса Аружан Жазылбекова мен продюсер Джонатан Шенді «Композитор» фильмі Golden Screen Awards сыйлығының төрт номинациясын жеңіп алуымен құттықтаймыз. Елбасы фильмді жоғары бағалады», - деп жазады ҚР Тұңғыш Президенті - Елбасы Нұрсұлтан Назарбаевтың баспасөз хатшысы Айдос Үкібай twitter парақшасында.

Еске салсақ, Қазақстан мен Қытай бірлесіп түсірген «Композитор» фильмі Лос-Анжелес(АҚШ) қаласында өткен 4-ші кезекті «Golden screen awards» марапаттау шарасында жылдың «Ең үздік киносы», «Ең үздік музыка», «Ең үздік ер адам рөлі» және «Ең үздік әйел рөлі» сынды 4 номинация бойынша марапатталды. 

«Композитор» фильмінің тұсау кесері ағымдағы жылдың 17 мамыр күні елордада өткен болатын.