#
#
Жексенбі 21/01/2018

Мұхтар Құл-Мұхаммед: Жолдауда Елбасының әрбір қазақстандыққа деген қамқорлығы айқын көрсетілген

  • 12.01.2018
  • 4
  • 463

«Нұр Отан» партиясы Төрағасының Бірінші орынбасары Мұхтар Құл-Мұхаммед Елбасы Жолдауы Қазақстанның жүйелі жаңғырудағы 10 басым бағытын жүзеге асыруды қамтамасыз ететін бірегей бағдарламалық құжат екенін айтты.

 Бұл туралы бүгін Демократиялық күштердің «Қазақстан-2050» жалпыұлттық коалициясының кезекті отырысында мәлім болды.

Елбасымыздың Жолдауында елімізді саяси, экономикалық, әлеуметтік және рухани жаңғыртудың 10 басым бағыты айқын белгіленген. Біздің ендігі міндетіміз – әрбір қазақстандықтың өмірі, денсаулығы мен тұрмысына деген Елбасы қамқорлығынан тұратын Жолдаудың мазмұнын барша халыққа жеткізу, – деді Мұхтар Құл-Мұхаммед.

Сондай-ақ, іс-шарада «Төртінші өнеркәсіптік революция жағдайындағы дамудың жаңа мүмкіндіктері» деп аталатын Жолдауда айтылған жаңа Қазақстандық индустрияны, агроөнеркәсіптік кешенді және көліктік-логистикалық инфрақұрылымды цифрландыру, тұрғын-үй құрылысы мен коммуналдық секторға жаңа технологияларды енгізу Елбасы ұсынған елді дамытудың негізгі векторы болып табылатыны айтылды.

Коалициясының отырысына елдегі жетекші партиялардың басшылары, Парламент депутаттары, Қазақстан халқы Ассамблеясының, кәсіби және қоғамдық бірлестіктердің өкілдері қатысып, Мемлекет басшысының жаңа Жолдауына байланысты өз ойларын ортаға салып, пікірлерімен бөлісті.

Нәтижесінде Жолдауға қолдау білдірген, еліміздің барша азаматтарын жылдың басты құжатын талқылау және түсіндіру жұмыстарына белсенді қатысуға шақырған Үндеу қабылданды.

Ұлт порталы

4 пікір

  • МәдениетЖұма, 12.01.2018

    Елбасының Жолдауын осы интернеттен оқып шықтым. Өзім мұғалім болғандықтан осы саладағы тың бастамалар көңіліме майдай жақты. Әсіресе әлеуметтік жағдайға қатысты тұстарын қос қолымды көтеріп қолдаймын.

  • НұрлыбекЖұма, 12.01.2018

    Елбасы әрбір дәстүрлі Қазақстан халқына арнаған Жолдауында барлық саланы қамтып отырады. Бұл жолы да әлеуметтік мәселелер назардан тыс қалмады. Өзім Сыр елінің тумасы болғандықтан ба агралық салаға қатысты тұстарын жақын қабылдадым. Себебі: "Аграрлық саясат еңбек өнімділігін түбегейлі арттыруға және өңделген өнімнің экспортын ұлғайтуға бағытталуы керек",- деп қадап айтты Елбасы. Бұл сөз Сыр салысын өндіріп қана қоймай, шет елдерге экспорттап отырған сырбойылық диқандар үшін үлкен демеу.

  • Алтынбек ЖарылкасыновЖұма, 12.01.2018

    Елбасы Жолдауына Коалиция құрамындағы барлық саяси партиялар мен ҮЕҰ толық қолдау білдіріп, оны халыққа түсіндіру мен насихаттау жұмыстарына белсенді атсалысуда. Ендігі кезекте бұл шаралар барлық аймақтарда да жүргізіліп, Жолдаудың жаңа міндеттері аймақтық коалиция мүшелерімен әрбір елді мекендегі тұрғындарға да түсіндірілетін болады.

  • БақтиярЖұма, 12.01.2018

    Елбасы Жолдауын сөзсіз қолдаймын. Және барлық азаматтар да қолдайды деп есептеймін. Бір оқыған адамға толық түсінікті. Барлық мәселе қамтылған. Ең бастысы ең маңызды салалар білім мен денсаулық саласына көңіл бөлінуі мені қуантады.

Пікір қалдыру

БАННЕР

Аймақтар жаңалықтары

Басқа да мақалалар