27 қар, 2020 сағат 15:21

Министр Жаңа жыл мерекесін отбасы мүшелерімен ғана атап өтуге кеңес берді

Денсаулық сақтау министрі Алексей Цой Жаңа жыл мерекесінде көп болып жиналмай, отбасы мүшелерімен ғана атап өтуге кеңес берді, деп хабарлайды "Ұлт ақпарат".

«Жаңа жыл кешін отбасымен қарсы алып, белсенді демалыста өткізген жөн. Ашық ауада серуендеген де пайдалы. Әйтсе де ауқымды шаралардан бас тарта тұруға кеңес береміз. Отбасының ортасында мерекені тойлаған жөн. Көппен қарым-қатынаста болу, қандай да бір шараларға баруды тоқтата тұрған дұрыс», - деді Алексей Цой Орталық коммуникациялар қызметінде өткен баспасөз мәслихатында.