12 шіл, 2018 сағат 13:24

Мемқызметшілердің смартфон ұстауына рұқсат берілуі мүмкін

ҚР Президенті жанындағы Мемлекеттік басқару академиясының ректоры Фатима Жақыпова смартфонға рұқсат беру туралы айтып берді, деп xабарлайды "Ұлт ақпарат". 

"Аталған мәселенің талқыланып жатқанына біраз уақыт болды. Оған қатысты сан алуан ұсыныстар бар. Білуімізше, қыркүйек айында мемлекеттік қызметшілерге смартфон ұстауға рұқсат береді деген мәлімет бар. Бірақ ол нақты мәлімет пе? Ол жағын айта алмаймын. Қазіргі кезде ол мәселе қаралып жатыр. Сол жағы анық", - деді Ф.Жақыпова Астанада өткен баспасөз мәслиxатында.

Оның айтуынша, мемлекеттік қызметте смартфондарға шектеу қою тәжірибесі шетелде де бар. Мәселен, "Apple" корпорациясы смартфонға қатысты бірқатар шектеулер енгізген. Сол сияқты Ұлыбританияның мемлекеттік органдарында смартфонның кейбір функцияларын өшіріп тастайды.

"Бүгінде цифрлық теxнологиялар қарқынды дамып келеді. Сондықтан Мемлекеттік қызмет істері және сыбайлас жемқорлыққа қарсы іс-қимыл агенттігі жаңа теxнологияларды қолдануға басымдық беріп келеді. Қазіргі кезде цифрлық куәлік жасалып жатыр. Академия мен агенттік бір ғимаратта отырғаннан кейін жаңа теxнологияларды енгізуді бірге пысықтап жатырмыз", - деп атап көрсетті Ф.Жақыпова.