#
#
Бейсенбі 18/10/2018

Мәулен Әшімбаев: Елбасы тапсырмалары дұрыс орындалмаса, тиісті органдардың алдына мәселе етіп қоямыз

  • 12.10.2018
  • 2
  • 472

Бұл туралы партия Төрағасының Бірінші орынбасары Қызылорда облысына жасаған сапарында айтты.
Сыр өңіріне арнайы келіп, жергілікті халықпен Жолдаудың басымдықтарын талқылап, оның жүзеге асырылу барысымен танысты.
Елбасы Жолдауда халықтың әл-ауқатын арттыру, тұрмыс-жағдайын жақсарту, баспанаға қолжетімділікті қамтамасыз ету, тұрғын үй-коммуналдық шаруашылығындағы қордаланған мәселелерді шешу, тарифтерді шектеу, өңірлердегі жолдарды жөндеу, шағын және орта бизнесті қолдау және қоғамдық қауіпсіздік секілді мәселелерді көтеріп, оларды шешудің тиімді тетіктерін ұсынғаны белгілі.

Соның ішінде қолжетімді баспанамен қамту мәселесіне ерекше назар аударып, әкімдерге жергілікті бюджет есебінен жеңілдетілген ипотека бойынша алғашқы жарнаның бір бөлігін субсидиялау мәселесін пысықтауды тапсырған болатын.

Бұл ретте Қызылорда облысында өзге өңірлерге үлгі боларлық тың бастама қолға алынғанын атап өткен жөн. Атап айтқанда «7-20-25» бағдарламасы облыста сәтті жүзеге асырылуда. Мұнда алғашқы жарнаны төмендету бойынша «Орда» деп аталатын бағдарлама қолға алынған. Бұл аталған бастаманың іске асырылуына және халықтың жеңілдетілген несие арқылы баспаналы болуына жол ашады.

Осыған орай Мәулен Әшімбаев Қызылорда қаласының сол жағалауында жаңадан салынып жатқан шағын ауданның құрылысымен және ондағы үйлердің халыққа жеңілдікпен берілу жолдарын қадағалады.

Сондай-ақ ол қызылордалықтармен және облыстың Сырдария ауданы, Шаған аулының тұрғындарымен кездесіп, Жолдаудың мәні мен маңызына тоқталды.

– Партия Жолдаудағы басымдықтардың жүзеге асырылуына жүйелі түрде қоғамдық бақылау жүргізеді. Тек бақылап қана қоймай, сол жұмыстарға тікелей қатысатын және соны қамтамасыз ететін басты күшке айналуды көздеп отырмыз. Бұл – Елбасының бізге беріп отырған нақты тапсырмасы. Қажет болса олқылықтарды жергілікті атқарушы органдар мен Үкіметтің алдына мәселе етіп қойып, оның әрі қарай сапалы және уақытылы орындалуын талап ету, тиімді жолдарын көрсету, барлық істе табандылық таныту да партияның міндеті болып саналады. Сондықтан «Нұр Отан» Жолдаудың жүзеге асырылуын қатаң бақылайды, – деді Мәулен Әшімбаев. 

Сонымен қатар партия Төрағасының Бірінші орынбасары «Президенттің бес әлеуметтік бастамасы», «Рухани жаңғыру» және партиялық жобалар аясында атқарылған жұмыстармен танысты. Осы ретте Қызылорда облысында кәсіпкерлерге бос жер телімдері, аукциондар және оларға қатысу талаптары туралы ақпараттарды бір жерден және ашық алуға мүмкіндік беретін Геоақпараттық онлайн қызметінің мүмкіндігін жоғары бағалады. Мәулен Әшімбаев бұл жұмыстарды бақылау үшін партияның жүйелі түрде жұмыс істейтінін атап өтті.

– Партиямыз аталған жұмыстарды және Жолдау басымдықтарының орындалуын жүйелі қадағалау үшін бірыңғай мониторинг жүйесін қалыптастырып, облыс орталықтары мен қалаларда ғана емес, әр аудан мен ауылдардағы жағдайды үнемі бақылап отыруды көздейді, – деді.

2 пікір

  • АйгеримСенбі, 13.10.2018

    Послание президента должно активно реализовываться, ведь от этого зависит наше будущее

  • МаралСенбі, 13.10.2018

    Если, все что было в послании обозначено будет реализовано, мы достигнем новых высот и выйдем на новый уровень развития

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР

Аймақтар жаңалықтары

Басқа да мақалалар