22 шіл, 2019 сағат 11:31

АЭХА бас директоры Юкия Амано өмірден озды

Атом энергиясы жөніндегі халықаралық агенттік бас директоры Юкия Амано 74 жасында қайтыс болды, - деп жазады РИА Новости. Бұл туралы ұйымның баспасөз қызметі хабарлады.

"Атом энергиясы жөніндегі халықаралық агенттік хатшылығы Бас директор Юкия Аманоның қайтыс болғаны туралы хабарлайды", - делінген ресми хабарламада.

Амано 2009 жылдан АЭХА басшылығына келген, оған дейін Жапонияның Агенттіктегі елшісі және тұрақты өкілі болды. Дипломат сондай-ақ Біріккен Ұлттар Ұйымында (БҰҰ) жұмыс істеген, 1972 жылдан бастап Жапонияның Сыртқы істер министрлігінде әртүрлі қызмет атқарды.

Қарусыздану және ядролық қаруды таратпау тақырыбына маманданған.