27 ақп, 2017 сағат 06:43

Лара Фабиан Димаш Құдайбергенді жеңісімен құттықтады

Әйгілі әнші Лара Фабиан отандасымыз Димаш Құдайбергенді "I Am a Singer" байқауының алтыншы турындағы жеңісімен құттықтады.

Танымал өнер жұлдызы өзінің фейсбуктегі парақшасында: "Adagio" әні құрлықты шарлап кетті... Қытайлық «I am a singer» теле-шоуында өнер көрсеткен Димаш Құдайбергенді құттықтаймын», - деп жазды.

Ал Димаш Құдайбергеннің PR-менеджері Алпамыс Шаримов инстаграмдағы парақшасында: "Батырды батыр ғана мойындайды. Рахмет. Лара Фабиан Димашты өзінің Фейсбуктегі ресми парақшасында құттықтады! Сөзім жоқ!" - деп жазды.

Айта кетсек, Лара Фабиан бұған дейін Димаштың өнеріне тәнті болып, онымен кездесуге де ниет білдірген еді. Атақты әншінің композиторы Флабиеннің Ларамен WhatsApp арқылы тілдесуі желіде тарап кеткені мәлім.