#
#
Сейсенбі 10/12/2019

Қызылордада газ баллонының жарылуы: оқиғаның себептері анықталды

  • 21.11.2019
  • 0
  • 227

Қызылорда қаласында газ баллоны жарылуы салдарынан орын алған өртке байланысты оқиғаның себептері анықталды, деп хабарлайды "Ұлт ақпарат".

«Оқиға орнына жедел жеткен №4 өрт сөндіру бөлімінің жауынгерлік есебі жалпы ауданы 72 шаршы метр болатын тұрғын үйде газ баллонын дұрыс пайдаланбауынан газдың жылыстауы пайда болғаны анықталды. Жарылыс салдарынан үй құлаған. Өртті сөндіру барысында 27 және 50 литрлік газ баллондары сыртқа шығарылды. Сондай-ақ, үй ішінде болған 2 адамды қатты күйік шалған. Оларды көршілері жеңіл көлікпен дер кезінде ауруханаға жеткізген.

Өрт сөндіру қызметінің жылдам іс-қимылының нәтижесінде көршілес орналасқан үйге өрттің таралу қаупі уақтылы тоқтатылды. Өрт 19 сағат 34 минутта оқшауланып, 19 сағат 43 минутта толығымен сөндірілді», - деді Қызылорда облысы төтенше жағдайлар департаментінің өрт сөндіру және авариялық құтқару қызметінің баспасөз маманы Әлия Ережепова.

Естеріңізге сала кетелік, бұл келеңсіз жағдай 20 қараша күні 18.00 шамасында болған еді. Жергілікті «112» нөміріне Қызылордадағы «Бәйтерек» шағынауданында өрт шыққандығы жөнінде хабарлама келіп түскен.

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР

Аймақтар жаңалықтары

Басқа да мақалалар