26 шіл, 2018 сағат 07:07

ҚР Премьер-Министрінің Баспасөз хатшысы тағайындалды

ҚР Премьер-Министрінің Баспасөз хатшысы болып Зарина Нұрланова тағайындалды, деп хабарлайды "Ұлт ақпарат" Премьер-министрдің баспасөз қызметіне сілтеме жасап.

"ҚР Премьер-Министрінің өкімімен Зарина Нұрланқызы Нұрланова ҚР Премьер-Министрінің Баспасөз қызметінің басшысы — ҚР Премьер-Министрінің баспасөз хатшысы лауазымына тағайындалды" делінген хабарламада.

Зарина Нұрланова 1986 жылы Алматы облысының Талдықорған қаласында дүниеге келген. 2008 жылы Қазақ гуманитарлық заң университетін «әлеуметтану» мамандығы бойынша, 2017 жылы «КАЗГЮУ университеті» АҚ және UBIS университетін іскерлік әкімшіліктендіру мамандығы бойынша тәмамдаған. Қазақ, орыс және ағылшын тілдерін меңгерген.

Еңбек жолын 2009 жылы «Arna Media Advertising» ЖШС менеджері ретінде бастаған. Түрлі жылдары «Қазконтент» АҚ атқарушы, басқарушы директоры, басқарма төрағасының орынбасары болып қызмет еткен, Еуразиялық интеграция институтын басқарған, сондай-ақ, ҚР ақпарат және коммуникациялар министрінің кеңесшісі лауазымын атқарған.