#
#
Сейсенбі 22/10/2019

Қорғаныс министрі арыстықтарға ескерту жасады

  • 10.07.2019
  • 0
  • 626

Қорғаныс министрі Нұрлан Ермекбаев қалып қойған снарядтар туралы бірден хабар беруді өтінді, деп хабарлайды Sputnik Қазақстан.

Министрдің айтуынша, әскери арсеналда болған гранаталар мен оқ-дәрілер қойманың ішінде жарылды. Ал реактивті снарядтар 8 шақырымға дейін ұшқан. Бірақ аталған снарядтардың жарылғыштары болған жоқ.

"Құлаған жерінде бірде-бір снаряд жарылмады. Өрт снарядтың қызып тұрған темір корпусынан шыққан. Ал қаладағы нысандар жарылыс толқынынан және құлаған снарядтардың салдарынан қираған. Дегенмен, азаматтар қалып қойған кейбір оқ-дәрілерді тауып, оны дұрыс ұстамаса, қауіпті жағдай туындауы мүмкін", - деді Ермекбаев елордада өткен баспасөз мәслихатында.

Оның сөзіне қарағанда, мәселен, снарядты кесіп, бағалы металын аламын десе, я болмаса, металл қабылдайтын жерге тапсырамын десе, оларға қауіп төнуі мүмкін. Дегенмен саперлер бірден жұмысқа кіріскен. Бұдан бөлек, дезинфекция шаралары жасалды.

"Қазіргі кезде саперлер екінші рет тексеріс жасауға кірісті. Бүгінде 41 арнайы инженерлік-саперлік топ бар. 800-ден астам әскери қызметкер снарядтарды іздестіру шараларына қатысуда. Сосын мобильді саперлік бекеттер ашылды. Сол жерге күдікті заттар туралы хабар беруге болады", - деп атап көрсетті Ермекбаев.

0 пікір

Пікір қалдыру

Чтобы оставлять комментарий нужно зарегистрироваться или авторизироваться
БАННЕР

Аймақтар жаңалықтары

Басқа да мақалалар