#
#
Cәрсенбі 24/07/2019

Қазпошта Алматыда кезекті е-сommerce орталығын ашты

  • 30.10.2018
  • 0
  • 853

26 қазанда Алматыдағы SmArt.Point коворкингінде Қазпоштаның е-коммерция орталығы ашылды. Бұл туралы «Қазпошта» АҚ-ның Басқарма төрағасы Сәкен Сәрсенов өзінің Facebook парақшасында жазды.

«Мұнда біздің мамандар қалағандарға өзінің интернет-дүкенің ашумен қатар аутсорсингте байланыс орталығын, сату бөлімін, фулфилмент қызметін, логистика, бухгалтерлік сүйемелдеу, фото мен видео түсірілім, жарнамалық материалдарды дайындау сияқты қызметтерді ұсынады. Сонымен қатар әлемдік интернет-алаңдарында тауарларыңызды орналастыруға көмектеседі», - деп жазады С. Сәрсенов.

Электронды сауда орталығының ашылуына интернет-дүкен иелері мен болашақ электронды саудамен айналысуды жоспарлаған азаматтар қатысты. Онда Қазпоштаның фулфилмент-орталықтарының мүмкіндіктері мен бизнес қауымдастық үшін  CRM-жүйесін енгізудің маңыздылығы туралы айтылды.

«Біздің серіктестер – digital және интернет-маркетинг бойынша мамандар онлайн-сауданың тиімді құралдары мен интернет-дүкендердің сауда бөлімінің негізгі міндеттері туралы айтты», - деді Басқарма төрағасы.

Оның сөзінше, мұндай орталықтар «Цифрлық Қазақстан» мемлекеттік бағдарламасы мен Қазпоштаның трансформациялық жоспарының аясында ашылуда.

Айта кетейік, елімізде е-коммерцияны дамыту мақсатында көптеген жұмыстар атқарылып жатыр. Электрондық сауданы алға жылжытуға арналған мемлекеттік бағдарлама да бар. 1-ші қаңтардан бастап кәсіпкерлер төлемді онлайн формат арқылы жүзеге асыратын болады.

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР

Аймақтар жаңалықтары

Басқа да мақалалар