03 сәу, 2020 сағат 15:11

Қазір коронавирусқа қатысты фейк жаңалықтар көбейіп кетті - министр

Қазіргі кезде тұрғындар коронавирусқа қатысты басқа елдерде болған ескі видеоларды бізде болған деп таратуда. Бұл туралы ҚР Ақпарат және қоғамдық даму министрі Дәурен Абаев мәлім етті, деп хабарлайды "Ұлт ақпарат".

«Қазір коронавирусқа қатысты фейк жаңалықтар көбейіп кетті. Азаматтар өздері де байқамай ескі видеоларды, басқа елдерде болған оқиғаларды бізде болған деп ойлап, таратуда. Әртүрлі жалған аудиожазбалар тарап жатыр. Оған кейбір адамдар сенуде. Бұның барлығы қоғамда үрей туғызады. Сондықтан, тағы да қайталап айтамыз, тек ресми ақпарат көздерін қараңыздар. Сол жердегі мәліметке ғана сеніңіздер», - деді министр «Хабар 24» телеарнасының тікелей эфирінен.

Осы орайда ол қазір барлық полиция департаменттерінде осындай жалған ақпараттарды және оны жариялаған адамдарды анықтайтын арнайы жұмыс топтары бар екенін еске салды.