#
#
Сенбі 07/12/2019

Қазақстанның сыртқы сауда айналымы 1,7 пайызға өсті

  • 12.09.2019
  • 0
  • 2054

Биылғы 8 айда Қазақстанның сыртқы сауда айналымы 1,7 пайызға өсті. Бұл жайында ҚР ҰЭМ Статистика комитетінен мәлім етті, деп хабарлайды "Ұлт ақпарат".

«2019 жылғы қаңтар-шілдеде Қазақстанның сыртқы сауда айналымы 53829 млн АҚШ долларын құрап, 2018 жылғы қаңтар-шілдемен салыстырғанда 1,7 пайызға артқан. Оның ішінде экспорт – 32943,4 млн АҚШ доллары, импорт – 20885,6 млн АҚШ доллары болды», - делінген комитет ақпаратында. 
Ведомство мәліметінше, 2019 жылғы 1 қыркүйектегі жағдай бойынша тіркелген заңды тұлғалардың саны 441 526 бірлік болды. Бұл өткен жылғы сәйкес кезеңмен салыстырғанда 2,3 пайызға көп. Оның ішінде 100 адамнан кем қызметкерлері бар  432 775  заңды тұлға бар. Жұмыс істеп тұрған заңды тұлғалардың саны - 297 933. Оның 289 561-і  шағын кәсіпорын саналады. 
Тұтыну бағасының индексі 2019 жылғы тамызда 2018 жылғы желтоқсанмен салыстырғанда 103 пайыз болды. Азық-түлік тауарларға бағалар – 6,1, азық-түлік емес тауарларға 2,9 пайыз өсті. Ал халыққа арналған ақылы көрсетілетін қызметтерге баға 0,6 пайыз төмендеді. Өнеркәсіп өнімдеріне өндіруші кәсіпорындар бағасы 2019 жылғы тамызда 2018 жылғы желтоқсанмен салыстырғанда 3,1 пайыз жоғарылады.

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР

Аймақтар жаңалықтары

Басқа да мақалалар