_48_48.webp)
ҚР Энергетика вице-министрі Анатолий Шкарупа екі айға қамауға алынды, деп жазады "Ұлт ақпарат".
«Астана қаласының мамандандырылған ауданаралық тергеу соты күдікті Шкарупа Анатолий Валерьевичті 2 айға, яғни 2019 жылдың 16 қаңтарына дейін қамауға алу түрінде санкциялық шара қолдану туралы тергеу жүргізіп жатқан органның өтінімін қанағаттандырды», - деп хабарлады Астана қалалық сотының баспасөз қызметінен.
Бүгін министрліктің басшысы Қанат Бозымбаев вице-министр Анатолий Шкарупаның жұмыстан кетуге өтініш жазғанын айтты.
Шкарупа жақында ғана қаржы жымқырды деп айыпталған болатын. Үкімет кулуарында журналистер министрден орынбасарының қызметінен кеткен-кетпегенін сұрады.
"Ол жерде келісу ұзақ жүреді ғой – премьер-министрдің кеңсесі, президент әкімшілігі. Бірақ ол өтініш жазды, ал мен тиісті қолдаухатты өткен аптада премьер-министр мен президент әкімшілігіне жібердім", — деді Бозымбаев.
"Шкарупаның ұсталғанын білесіз бе?" деген сұраққа "Иә" деп жауап берді.
Айта кетсек, Анатолий Шкарупа осы жылдың қазанында энергетика вице-министрі болып тағайындалған еді. Көп уақыт өтпей бас прокуратура вице-министрді ақша жымқырды деп айыптады.
Белгілі болғандай, Шкарупа 2015 жылы Саран қаласының әкімі болған кезде 215 миллион теңге жымқырған.
2202 рет оқылды
_80_80.webp)
