#
#
Бейсенбі 22/08/2019

Қазақстанның бірнеше өңірінде ауа райына байланысты ескерту жарияланды

  • 18.04.2019
  • 0
  • 403

«Қазгидромет» РМК Қазақстанның бірнеше өңірінде ауа райына байланысты ескерту жариялады, деп хабарлайды "Ұлт ақпарат".

19 сәуір түнде Ақмола облысының кей жерлерінде бұрқасын күтіледі. Солтүстік-шығыстан жел соғады, жел екпіні кей жерлерде 15-20 м/с, таңертең және күндіз басым бөлігінде 15-20 м/с, кей жерлерде жел екпіні 25 м/с дейін жетеді.

Осы күні Нұр-Сұлтан қаласында солтүстік-шығыстан жел соғады, жел қарқыны секундына  9-14, таңертең және күндіз 15-20 метрге дейін күшейеді.     

19 сәуірде Қостанай облысының кей жерлерінде көктайғақ болып, тұман түседі. Солтүстік-шығыстан екпіні 15-20 м/с болатын қатты жел тұрады.

Қостанай қаласында 19 сәуірде солтүстік-шығыстан соққан желдің жылдамдығы 15-20 м/с жетеді.     

19 сәуірде Қызылорда облысында оңтүстік-батыстан соғатын жел солтүстік-батысқа ауысады, жел күші 15-20, кей жерлерде 23-28 м/с болады. Түнде кей жерлерде көктайғақ, найзағай сақталады.

19 сәуір күндіз Түркістан облысының кей жерлерінде қатты жаңбыр жауады. Кей жерлерде найзағай жарқылдап, бұршақ жаууы ықтимал. Оңтүстік-батыстан, солтүстік-батыстан соғатын желдің екпіні 15-20, 23-28 м/с дейін күшейеді.

Осы күні Шымкент қаласында найзағай жарқылдайды. Оңтүстік-батыстан, солтүстік-батыстан соғатын желдің жылдамдығы секундына 15-20 метр болады. 

Түркістан қаласында да найзағай жарқылдайды. Оңтүстік-батыстан және солтүстік-батыстан қатты жел соғады, жел қарқыны 15-20, 25 м/с жетеді.

19 сәуірде Ақтөбе облысының оңтүстігінде тәулік бойы жауын-шашын болады (көбінесе қар), жаяу бұрқасын, көктайғақ күтіледі. Солтүстік-шығыстан, солтүстіктен жел соғады, кей жерлерде жел екпіні 15-20, түнде 23 м/с дейін күшейеді.

Ақтөбе қаласында солтүстік-шығыстан, солтүстіктен жел соғады, екпіні 15 м/с дейін жетеді.

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР

Аймақтар жаңалықтары

Басқа да мақалалар