#
#
Бейсенбі 19/09/2019

Қазақстанға жыл басынан 6 мың қандас көшіп келді - Бердібек Сапарбаев

  • 23.08.2019
  • 0
  • 149

Тарихи отанына оралған отандастарымызды қолдау шаралары туралы ҚР Үкіметінде өткен брифингте ҚР Премьер-Министрінің орынбасары Бердібек Сапарбаев айтып берді, деп хабарлайды "Ұлт ақпарат".

Б. Сапарбаев атап өткендей, өткен кезеңде 1 млн аса қандасымыз Қазақстанға оралған. 

«Бәріне тиісті көмек көрсетілді: тұрғын үй беру, жол шығынын өтеу, күнкөріс шығындарын өтеу, олардың балаларын мектептер мен балабақшаларға орналастыру, медициналық қызметтермен қамту. 

Кейбір өңірлерде, мысалы, Павлодар, Шығыс Қазақстан облыстарында, Шымкент қаласында және басқа өңірлерде тұтас бір ауылдар салынды. Сонымен қатар алты өңірде қандастарымыздың Қазақстанның заңдарына, өміріне, салтына жылдам үйренуі үшін оңалту орталықтары салынды.

Бүгінде басқа мемлекеттерден көшіп келетін қандастарымызға қолдау көрсету жалғасуда. Өткен 7 айда елімізге 6 мыңнан астам қандасымыз көшіп келген», — деді ҚР Премьер-Министрінің орынбасары.

Сонымен қатар Б. Сапарбаев Қазақстанға оралған кейбір қазақтар құжаттарын уақытылы тапсырмағандықтан, ҚР азаматтығын ала алмай жүргенін айтты. Қолданыстағы заң бойынша оған бір жыл уақыт беріледі. 

«Елбасы тапсырмасы бойынша бұл мерзім осы жылдың соңына дейін ұзартылды. Біз ол жайлы БАҚ-та хабарладық. Осы сәтті пайдаланып, азаматтық алмаған оралмандардың оны алуы керектігін айта кеткім келеді», — деп түсіндірді Б. Сапарбаев.

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР