18 ақп, 2020 сағат 13:09

Қазақстандықтардың жеке мәліметтерінің ұрлануына жол берілмеді

«KZ-CERT» РМК компьютерлік инциденттерге әрекет ету қызметі және NitroTeam ЖШС арасындағы меморандум аясында бірлескен шаралардың арқасында медициналық компания порталында сервер конфигурациясына қатысты ақау табылып, жойылды, деп хабарлайды "Ұлт ақпарат" «KZ-CERT» баспасөз қызметіне сілтеме жасап.

«Осы ақаудың кесірінен компания порталында тіркелген емделушінің логины мен құпия сөзі кез келген интернет қолданушыға қолжетімді болған. Ал жүйеге қосыла алғандар емделушінің аты-жөні, телефон нөмірі мен email-адресі, сонымен қатар, медициналық талдау қорытындыларына қол жеткізген. Бұл жағдай тікелей ақпараттық қауіпсіздік саясатына қайшы» делінген хабарламада.

Ақау болған зертхананың танымалдығын ескересек, ақпараттың таралу ауқымын елестету қиын. Қалай болғанда да, ортақ және шұғыл жүргізілген жұмыстың нәтижесінде жеке ақпараттың және зертханалық зерттеулердің әшкереленуіне жол берілмеді.