08 қыр, 2016 сағат 10:57

Қазақстанда пәтер иелері уақытша тұрғындарды тіркеуге міндеттеледі

Қазақстанда пәтер иелерін уақытша тұрғындарын тіркеуге міндеттеу жоспарланып отыр, - деп хабарлайды "Ұлт ақпарат" kaz.tengrinews.kz порталына сілтеме жасап.

Мәжілісте "Қазақстан Республикасының кейбір заңнамалық актілеріне экстремизмге және терроризмге қарсы іс-қимыл мәселелері бойынша өзгерістер мен толықтырулар енгізу туралы" заң жобасы талқыланып жатыр.

"Көші-қон желісі бойынша тіркеусіз немесе жеке куәліксіз тұруға айыппұл санкцияларын өсіру ұсынылып жатыр. Мұнымен қатар тіркеусіз тұру мерзімін қысқарту ұсынылып отыр. Бұған ескерту жасау қарастырылған. (...) Тіркеусіз тұратын тұлғалары үшін пәтер иелерін әкімшілік жауапкершілікке тарту белгіленіп жатыр, сонымен қатар айыппұл санкциялары енгізілу үстінде", - деп мәлімдеді ішкі істер вице-министрі Рашид Жақыпов.

"Резеңке пәтерлер" деген ұғым бар. Кейбір пәтерлерде 200-300 адамға дейін тіркелген болып шығатын жағдайлар бар. (...) Біз тіркеусіз және көп адам тұратын пәтерлердің иелеріне жауапкершілік артуды қарастырып жатырмыз", - деген еді осыған дейін ІІД басшысы.