#
#
Cәрсенбі 26/06/2019

Қазақстанда Эксимбанк таратылатын болды

  • 28.11.2018
  • 0
  • 1164

ҚР Ұлттық банкі Алматының мамандандырылған ауданаралық экономикалық сотына «Эксимбанк Қазақстан» АҚ-ны мәжбүрлеп тарату туралы шағым-талап берді. Бұл туралы ҰБ-ның баспасөз қызметінен мәлім болды, деп хабарлайды "Ұлт ақпарат".

Атап айтқанда, 2018 жылғы 28 қарашада Алматы қаласының мамандандырылған ауданаралық экономикалық соты «Эксимбанк Қазақстан» АҚ-ны мәжбүрлеп тарату туралы шешім қабылдады. Үшінші тұлғалардың тарапынан сот актісіне шағым болмаған жағдайда, түпкілікті формада шешім шығарылған күннен бастап 30 күн ішінде шешім заңды күшіне енеді.

Банкті мәжбүрлеп тарату туралы сот шешімі заңды күшіне енген күні ҰБ банктің тарату комиссиясын тағайындайды.

«Мәжбүрлеп тарату рәсімінің өзі Банктер туралы заңның талаптарына, Қазақстан Республикасында банктерді мәжбүрлеп тарату қағидаларына және өзге де заңнамаларға сәйкес жүзеге асырылады» делінген хабарламада.

«Эксимбанк Қазақстан» АҚ-ны тарату туралы шешім заңды күшіне енген күннен бастап 14 жұмыс күні ішінде ҚДКҚ Қазақстанда жұмыс істеп тұрған банктердің қайсысы Эксимбанк Қазақстан салымшыларымен төлем жүргізу жөніндегі агент ретінде жұмыс істеп, салымшылармен есеп айырысатындығын хабарлайды.

ҚДКҚ таңдалған агент-банкті жариялағаннан және кепілдікті өтемақыны төлеу  басталғаннан кейін, салымшылар осы агент-банктің филиалына кепілдікті өтемақы төлеуге арналған өтініш жасағаны дұрыс. Бұл ретте салымшының өзімен бірге жеке куәлігінің немесе төлқұжатының болуы жеткілікті. Егер салымшының орнына басқа тұлға өтініш берсе, онда құқық белгілейтін құжаттарды (мұрагерлік туралы куәлік, сенімхат, депозитке талап ету құқығын беру туралы шарт) ұсынуы қажет.

Кепілдікті  өтемақы төлеу қолма-қол ақшамен немесе салымшының басқа банктегі шотына аударыммен ғана жүзеге асырылатын болады. Бұл ретте салымшының алынған кепілді өтемақыны агент-банктің шотында қалдыруға мүмкіндігі бар. Барлық кепілді өтемақыларды төлеу тек ұлттық валюта - теңгемен жүзеге асырылады. Шетел валютасындағы депозиттер бойынша кепілдікті өтемақыны есептеу үшін банкті мәжбүрлеп тарату туралы сот шешімі заңды күшіне енген күні белгіленген валюталар айырбастаудың нарықтық бағамы пайдаланылады.

Салымшылар депозиттерге кепілдік беру мәселелері бойынша қосымша ақпаратты ҚДКҚ сайтындағы «Салымшыларға» бөлімінен ала алады.

Бұдан басқа, салымшылар мына телефондар арқылы: +7 (727) 312 24 37, +7 (727)  312 24 38, +7 (727)  312 24 39 не 8 8000 80 10 20 шұғыл желі нөмірі бойынша хабарласа алады (Қазақстан бойынша қоңырау соғу тегін).

Сонымен бірге салымшылар қызығушылық танытатын мәселелері бойынша «Эксимбанк Қазақстан» АҚ-тың +7 (727) 250 06 00 call - орталығына жүгіне алады.

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР