13 қаз, 2017 сағат 15:55

Қазақстан Қырғызстанға гуманитарлық көмек берді

Қырғыз Республикасындағы табиғи-климаттық жағдайларға байланысты Қазақстан Үкіметі көрші мемлекетке гуманитарлық көмек көрсету туралы шешім шығарды, - деп хабарлайды "Ұлт ақпарат" kaz.tengrinews.kz порталына сілтеме жасап.

Бұл туралы ҚР Үкіметінің 2017 жылдың 9 қазанындағы "Қырғыз Республиксына ресми түрде гуманитарлық көмек көрсету" туралы № 632 қаулысында айтылады.

Қырғыз Республикасына ресми түрде көмек көрсету мақсатында мемлекеттік материалдық резервтен материалдық құндылықтарды броннан ажырату тапсырылды. Гуманитарлық көмектің ішінде кесілген тақтай, металлпрокат және ағаштан жасалған бағаналар бар.

"ҚР Сырты істер министрлігіне гуманитарлық көмекті қабылдайтын адамды анықтап, көмекті жеткізу мәселесін үйлестіру тапсырылды. ҚР Инвестициялар және даму министрлігіне гуманитарлық көмекті дер кезінде тиіс жерге Қырғыз Республикасына жеткізуге қатысты мәселені шешу тапсырылды", - деліненген қаулыда.

Өз кезегінде Қорғаныс және аэроғарыш өнеркәсібі, Қаржы және Инвестициялар және даму министрлігіне осы қаулыдағы шараларды қолға алу тапсырылды.