21 қар, 2020 сағат 08:03

Қазақстан футбол құрамасы Ұлттар лигасында қанша табыс тапты?

Ұлттар лигасындағы алты ойынның қорытындысы бойынша Қазақстан құрамасы топта соңғы орынға ие болып, «С» лигасындағы орынды сақтап қалу үшін Молдовамен таласады. Бірақ, соған қарамастан, Қазақстан құрамасы турнирге қатысқаны үшін бонустар алады, деп хабарлайды KazFootball.kz порталы.

Ұлттар лигасына қатысушылардың әрқайсысы жақсы бонустарға ие болуы мүмкін. Турнир аяқталғаннан кейін оларға қол жеткізілген нәтижелерге байланысты сыйақы қосылады. Ұлттар лигасының ағымдағы ұтыс ойынында өнер көрсеткені үшін ҚФФ 1,125 миллион аударады. Алайда Михал Билектің шәкірттері топта бірінші орын алған жағдайда екі есе көп ақша табуы мүмкін еді. 

«С» лигасындағы топтың жеңімпазы үшін 1,125 еуро сыйақы беріледі. Яғни Қазақстан құрамасы топта жеңіске жеткен жағдайда 2,25 миллион еуро (топқа қатысқаны және жеңгені үшін) табысқа ие болады. 

Ұлттар лигасында өнер көрсеткені үшін мынадай бонустар беріледі: «А» дивизионы – 2,25 миллион, «В» дивизионы – 1,5 миллион, «С» дивизионы – 1,125 миллион «D» дивизионы – 0,75 миллион. Ал топтың жеңімпаздарына: «А» дивизионы – 2,25 миллион «В» дивизионы – 1,5 миллион «С» дивизионы – 1,125 миллион, «D» дивизионы – 0,75 миллион. Финал жеңімпазына 6 миллион төленеді, екінші орынға – 4,5 миллион, үшінші орынға – 3,5 миллион, төртіншіге – 2,5 миллион.